UPDATE 2017

 Hello folks!!!
Сайн сууцгааж байсан биз дээ? Сайхан шинэлцгээсэн үү?
2017 оны хамгийн эхний постоороо уулзаж байгаадаа баяртай байна.
Хамгийн сүүлд пост оруулснаас хойш аль хэдийн 1 жилийн хугацаа өнгөрчээ. 2016 онд бараг л блогтоо юм бичээгүй байна. Өнгөрсөн жил ямар итгэмээргүй хурдан өнгөрөв өө?
Нас нэмэгдэх тусам цаг хугацаа хурдан өнгөрөөд байгаа юм шиг санагддаг уу?
Бага байхад нас нэг л явж өгдөггүй ,дандаа жаахнаараа л байгаа юм шиг, цаг хугацаа ч  удаан өнгөрөөд байдаг юм шиг санагддаг байсан.
Одоо харин арай л хурдан өнгөрөөд байна уу, үгүй юу?
Миний хувьд өнгөрсөн жилийн хувьд ажил гэр гэж гүйсээр л цаг хугацаа өнгөрлөө дөө.
Ганц хийж бүтээсэн зүйл гэвэл Бээжин рүү зуны аялалд гарсан явдал байлаа. Их адал явдалтай, хөгжилтэй аялал болж өнгөрсөн. Тусдаа пост оруулна аа.


Аа бас бие дааж тусдаа гарсан гэж байгаа. Tом хүн болж байгaа :)))

За бусдаараа бол бахь байдгаараа гэдэг шиг л.
Хүн байнгын хэвшмэл ажил хийхээр түүндээ түүртээд , ядраад эсвэл бүр залхуураад бүтээлч байдлаа алддаг юм байна. Шинэ санаа төрөхгүй өдрөөс өдөрт хийдэг зүйлүүдээ давтсаар байгаад хонь шиг илүү зүйл хийж чадахаа, амжуулахаа ,сэтгэхээ ч больчихдог юм байна.
Гэхдээ мэдээж залуу хүмүүс юм юмыг л амжуулах хэрэгтэй гэдгийг мэдэж байгаа учраас амжуулнаа л гэчихсэн байгаа.
Он гараад харин сэлж сурсан шүү. Түүндээ бүр баярлаад байгаа. Мэлхий дээрээ л явж байгаа л даа. Гэхдээ л дун байснаа бодвол одоо мэлхий болчихоод байгаа.
Бас 4 сараас өмнө нэг зорилго тавьчихаад байна. Амжуулчихвал та нартаа хэлнэ ээ..
Та нараар минь харин сонин сайхан юу байна?
Намайг мартчихсан уу? Үгүй биз дээ?
Одоо ёстой бичмээр байгаа бүгдээ бичнэ ээ,,,Залхуурч цалгардуулахгүй ээ, санаа зовохгүй ээ л гэчихсэн байгаа
За тэгээд та бүхэн минь цаашид блогтой минь хамт байж, коммент бичээрэй. Маш их баярлах болно шүү
Түр bye!